Nga Selim Ibraimi– Rasti i Ukrainës duhet të merret si shembull nga vendet e Ballkanit Perëndimor, se lënia pas dore e forcimit të ushtrisë, mund të jetë gabimi më i madh që mund të bëjë një qeveri, e cila duhet ta përdorë buxhetin për mbrojtjen e vendit nga jashtë dhe jo të përdorimit të asaj për arsye të brendshme.
Në rastin konkret, qeveritë e Ballkanit mund të nxjerrin mësime nga lufta në Ukrainë. E para, të bëjnë përmirësimin e kapaciteteve të zbulimit dhe kundërzbulimit jo mbi baza partiake dhe etnike. E dyta, të hartojnë një plan në rast të zgjatjes së konfliktit në Ukrainë. E treta, qeveritë të ndalojnë të gjitha mediat që janë në shërbim të luftës hibride ruse. E katërta, të fillojnë me seriozitet të mbështesin media dhe institucione që do të jenë në gjendje të informojnë publikun drejtë dhe saktë. E fundit dhe që bën pjesë në luftën e vërtetë të qeverive rajonale rreth aktorëve malinj, është zbulimi i agjentëve rus, që janë në shërbim të përhapjes së politikës ruse dhe natyrisht të qarqeve të brendshme sidomos në Maqedoninë e Veriut dhe në Bosnjë, që mbështesin luftën e Putinit jo vetëm në Ukrainë, por, edhe politikën e Moskës në Ballkan.
Vendet e NATO-s dhe ato jashtë aleancës, konflikti ruso-ukrainas do t’i ndryshojë aq shumë sa që një pjesë e mirë e buxheteve kombëtare do të ndahet për armatim. BE, dhe shtetet e Ballkanit pas luftës në Ukrainë, do të kenë një qasje të re ndaj rreziqeve që vijnë jo vetëm nga Rusia dhe bota e cila do të lind pas luftës në Ukrainë, por, nga natyra e angazhimit amerikan. Shihet se Evropa, Rusia dhe ShBA do të jenë në pozicione të ndryshme pas luftës në Ukrainë dhe me këtë edhe Maqedonia e Veriut dhe WB-6 duhet të bëhen gati për një erë të re në sigurinë rajonale dhe globale.
Selim Ibraimi mban gradën Dr. në Shkencat Politike
Comments are closed, but trackbacks and pingbacks are open.