Nga Urim HASIPI- Tetovë
Mos uniteti në këtë union, si duket jep mesazhe jo të mira dhe nuk i inkurajon këta vende që me gjithë mend t`i përvishen rrrugës së BE-së edhe pse një alternativë më të mirë nuk ka ende.
Të gjitha shtetet anëtare të Bashkimit Evropian, nuk mund të bëhen bashkë për të dënuar agresionin e Serbisë në Kosovë. Ky është një mesazh i keq për vendet që aspirojnë në këtë union. Pavarësisht se pjesa më e madhe e shteteve të Ballkanit duke përfshirë Kosovën, Shqipërinë, Maqedoninë e Veriut, Bosnjën e Hercegovinën dhe Malin e Zi, janë të përcaktuar se rruga e vetme në të ardhmen që duhet të ndjekin është rruga e integrimit në Bashkimin Evropian.
Megjithatë, mos uniteti në këtë union, si duket jep mesazhe jo të mira dhe nuk i inkurajon këta vende që me plot mend t`i përvishen rrugës së BE-së edhe pse, një alternativë më të mirë nuk ka ende.
Nëse këta vende, nuk i kanë qëndrimet unike për shtetin e Kosovës, si do të jenë unike në të ardhmen për problemet e shqiptarëve të Maqedonisë së Veriut, të Luginës së Preshevës dhe të Malit të zi, ku ka me qindra e mijëra shqiptarë të shtypur nga regjimet e këtyre shteteve?!
Një pjesë e madhe e këtyre shteteve, kanë probleme të veta të brendshme dhe prandaj politika e tyre reflektohet në politik bërjen e Bashkimit Evropian.
Nuk kanë unitet për të dënuar një sulm terrorist, si një nga retorikat më të përkushtuara “në letër” të BE-së kundrejt terrorizmit. Padrejtësitë që I bëjnë këta shtete ndaj shqiptarëve, barten me automatizëm edhe tek Bashkimi Evropian, e cila vazhdon të jetë e padrejtë në këtë drejtim.
Rikujtojmë se Bashkimi Evropian ende nuk i ka tërhekur vizat për qytetarët e Kosovës edhe pse të gjitha kushtet janë të plotësuara. Hungaria nuk e ekstradon ish kryeministrin Nikolla Gruevski, ndërsa kryeministri i Hungarisë Viktor Orban, më shpesh e viziton Beogradin se sa selinë e Bashkimit Evropian.
Si mundet një shtet që është pjesë e Bashkimit Evropian, të mban qëndrime pro ruse dhe pro serbe, të vendos për të ardhmen e këtyre shteteve që janë puro evropiane.
Anti evropianët vendosin për evropianët sepse, pjesa më e madhe e politikanëve në shtetet e Ballkanit, përjashtuar Serbinë, kanë orientim strategjik të tyre për integrimin në Bashkimin Evropian, qoftë ata që janë në pozitë qoftë ata që janë në opozitë.
Bashkimi Evropian, ka anëtarë të saj vende që janë më shumë kundër Evropës dhe punojnë kundër interesave të unionit, aq më teper qëndrojnë aty për të përfituar materialisht nga potencialet që ka ky Union.
Pra, paratë e Evropës i duan por jo edhe politikat që promovon ajo. Prandaj, në këtë vijë dhe në këtë aspekt është edhe qëndrimi I politikës së jashtme të Spanjës e cila ende nuk njeh pavarësinë e Kosovës dhe përfaqësuesit e saj, kanë vënë në rrezik paqen e brishtë në veri të Kosovës, duke lejuar Serbinë të veprojë me struktura të saja paralele në një shtet tjetër.
Çfarë do të bënte Spanja, nëse Katalonia do të tentonte një gjë të tillë të ndërmarrë atje.
A do të ishte i ‘butë’ Josep Borelli sikur që e bën me Beogradin. Shtetet e fuqishme, duhet që të ndërtojnë politikë tjetër të re të Evropës dhe vendet që kanë probleme brenda tyre duhet të mos angazhohen në misione diplomatike, e sidomos në Kosovë dhe Bosnjë e Hercegovinë.
Paramendoni sikur ndërmjetës të jetë një hungarez gjatë një konflikti mes shqiptarëve dhe maqedonasve në të ardhmen, apo serbëve dhe boshnjakëve.
Çfarë mund të ofrojnë ata ndërmjetësues përveçse të mbajnë anën e agresorëve. Për evropën e shekullit të kaluar nuk dëshiroj të shtoj sepse ajo, asnjë konflikt nuk ka mundur të ndalojë pa prezecën amerikane. Madje, ata edhe kanë lejuar masakra, që tani dihen botërisht. https://www.facebook.com/urim.hasipi
