Çfarë do të vendosë Ziadin Sela?

Selim Ibraimi-analist dhe redaktor në @CSSDMacedonia- Partia e Ziadin Selës, Aleanca e Shqiptarëve së bashku me Alternativën e Afrim Gashit, fituan gjithsej 12 vende në zgjedhjet e fundit parlamentare në Maqedoninë Veriore. Pas Bashkimit Demokratik për Integrim të Ali Ahmetit, Aleanca e Shqiptarëve konsiderohet si partia e dytë për sa i përket fuqisë politike, por ndonjëherë, në kufijtë e ngushtë, në disa anketa reputacioni i Selës ishte para Ahmetit.

Sidoqoftë, tani para se të fillojnë bisedimet për formimin e qeverisë së re, udhëheqësi  Ziadin Sela ka vendime të vështira përpara vetes, dhe ai duhet t’i ndërmarrë ato për të qëndruar në formë politike me rivalin e tij Ali Ahmeti. Të hyjë një koalicion të gjerë me LSDM-në e Zaevit, e cila përfshin gjithashtu partinë BESA, e cila fitoi katër vende ose të veprojë si opozitë. Ka shumë të ngjarë që Ali Ahmeti të jetë në krye të lojës së formimit të qeverisë.

Në rast se Zaevi do të dështojë në formimin e shumicës, rivali i tij Kristian Mickovski i VMRO-DPMNE-së, mund të  ndryshojë të gjithë lojën dhe rënditjen e forcave politike. Mirëpo një skenarë i tillë nuk është aq bindës, por duhet njohur si variabël politike që qëndron në brendi të intrigës politike maqedonase të formimit të qeverive. Të gjithë duhet të marrin vendime të vështira këtë javë, prej nga do të bëhet më e qartë se kush do të jenë palët që do të formojnë koalicionin- qeverinë e mundshme të Zaevit.

 Ziadin Sela, ASH

Një tregues tjetër që nuk paraqitet në hapësirën politike është veprimi i Zaevit kundër Ali Ahmetit. Nëse Zaev do të përpiqet të anashkalojë Ahmetin dhe të formojë një bosht me partitë e vogla dhe Aleancën kundër Ahmetit, Sela duhet të veprojë atëherë. Mirëpo, një veprim i tillë mund t’i sjellë Zaevit një qeveri me shumë parti dhe tensione në të ardhmen. Nëse Zaev do të shkojë në këtë variant, Sela nuk ka pse të mendojë nëse të hyjë apo jo në një qeveri me Zaevin. Nëse Ahmeti do të mbajë rolin e krijuesit të koalicioneve dhe qeverive, pozicioni i Selës do të jetë më i komplikuar dhe kjo nuk lë shumë hapësirë ​​për hyrje në qeverinë e re. Mediat në Shkup njoftojnë se jo zyrtarisht janë vendosur kontaktet e para në mes LSDM-së dhe BDI-së. Po Sela ka ende kohë për të zgjedhur dhe vendosur. (Koment ISSDMaqedonia -@CSSDMacedonia)

Leave a Reply

Your email address will not be published. Required fields are marked *

*