Zaevi vendos se kush do të jetë nacionalist! A do të pajtohet Ali Ahmeti me këtë përçmim?

NGA SELIM IBRAIMI-Zoran Zaevi tha dje se do të krijojë një koalicion me të gjithë ata që do të shmangin nacionalizmin. Kreu i BDI-së, Ali Ahmeti tha se nuk ka asgjë konkrete deri më tani. Ndërsa PDSH-ja e Menduh Thaçit pranoi të hyjë në qeveri duke formuar grupe pune me LSDM-në.

A keni vërejtur që LSDM-ja dhe Zaevi na edukojnë se çfarë patriotizmi duhet të zhvillojmë në Maqedoninë Veriore? Zaevi si duket i ka edukuar partitë shqiptare duke ua ulur kërkesat e tyre dhe duke ua “ndaluar” ata të diskutojnë për të drejtat kombëtare!

Por, ai vetë mund të  zhvillojë  retorikë nacionaliste sa herë që i nevojitet gjatë fushatave zgjedhore dhe kur duhet të përmbushen interesat kombëtare dhe qëllimet etnike.

A do ta pranojë Ali Ahmeti këtë poshtërim të Zaevit dhe a do të pranojë ai të hyjë në qeveri me këto kritere patriotike të Zaevit? Ahmeti, i cili erdhi në pushtet nga konflikti i vitit 2001, do ta ketë të vështirë të përballojë këtë përçmim që i është dhënë nga Zaevi dhe i cili sillet si princ.

Zaev tha se me 15 deputetë, ju nuk mund të fitoni postin e kryeministrit dhe ai nuk ka ndërmend të kërkojë falje. Por ish-kryeministri harroi që pa votat e BDI-së dhe partive të tjera shqiptare ai nuk mund të ishte bërë kryeministër. Sidoqoftë, loja e Zaevit kundër partive shqiptare në formimin e një qeverie mbetet për tu parë. (ISSDMaqedonia-@CSSDMacedonia)

About Admin

Leave a Reply

Your email address will not be published. Required fields are marked *

*