Situata në Kosovë është vërtet shqetësuese dhe më kujton fillimin e pushtimit rus në Ukrainë në vitin 2014. Stili i përfshirjes duket i njohur, sikur dikush po vepron sipas modeleve të sjelljes së z. Vlladimir Putin.
Nuk e përjashtoj që Rusia me ndihmën e përfaqësuesve të saj në Ballkan po përpiqet të provokojë një luftë të re ballkanike për të larguar vëmendjen nga agresioni rus në Ukrainë.
Si të parandalohet? Është shumë e thjeshtë. Respektoni të drejtat dhe sovranitetin e të gjitha shteteve ballkanike.
Çdo shtet ballkanik, duke përfshirë edhe ata të krijuar si rezultat i gjenocidit të kryer kundër tyre, meritojnë të jenë të pavarur dhe të lirë nga ndërhyrjet e jashtme në punët e tyre.
Disa shtete në Ballkan duhet të ndalojnë përdorimin e pakicave kombëtare në shtetet fqinje si një mjet politik kundër sovranitetit të atyre shteteve.
Besoj se Serbia mund të bëhet anëtare e Bashkimit Evropian vetëm nëse shkëputet nga e kaluara, ta njohë Kosovën de jure dhe do t’i bashkohet Bashkimit Evropian në vendosjen e sanksioneve ndaj Rusisë.
Unë nuk besoj se z. Aleksandar Vuçiq ka ndonjë iluzion në lidhje me mundësinë për të rivendosur kontrollin mbi Kosovën.
Mua më duket më shumë si një lojë politike, ku z. Aleksandar Vuçiq po përdor çështjen e njohjes së Kosovës si levë në këtë lojë.
Është interesante se Serbia de facto e ka njohur tashmë Kosovën.
Do të ishte e përshtatshme dhe e drejtë të bëhej de jure.
Do të ishte në interesin më të mirë të Serbisë dhe popullit të saj dhe do të tregonte se Serbia meriton të drejtën për të qenë një anëtare e plotë e familjes evropiane të demokracive.
Oleksandr Merezhko, deputet në Parlamentin e Ukrainës.
https://pace.coe.int/en/verbatim/2023-10-09/pm/en#speech-25109
