Kjo duhet të jetë qeveria e fundit që partitë shqiptare po marrin pjesë!
Nga Urim HASIPI
Çka e pengon në zhvillim Maqedoninë, Balanseri? Shqiptarët janë taksapagues dhe kanë të drejtë të punësohen. Çka e ka penguar Ministria për Sistem Politik, Maqedoninë? Shqiptarët kanë luftuar për përfaqësim. Çka e pengon në rrugën Evropiane Maqedoninë, Marrëveshja e Ohrit? Diskriminimi e solli këtë Marrëveshje. Çka e ka penguar Maqedoninë, nëse në një qeveri ministri qenka shqiptar? Shqiptarët kanë të drejtë të jenë të përfaqësuar në ekzekutiv ku merren vendimet. Si do silleni me strukturën e LSDM, ku tre sekretarë të qeverive të kaluara kanë përfunduar me akuza për korrupsion? Kush është i korruptuar më shumë?! Veç ti dhe partia yte nuk mund të shitni pallavra për korrupsion, derisa Gruevski dhe Mijallkov nuk i kthejnë miliardat e vjedhura. Janë para edhe të taksapaguesve shqiptarë…! Nga java tjetër funksionarët e VMRO- DPMNE-së do marrin rroga nga taksat tona duke punuar kundër shqiptarëve, por kjo nuk kalon, nuk do të kapërdihet…! Marrëveshja e Ohrit nuk është marrëveshje e BDI-së por është dokument që i mbron shqiptarët. Shfuqizimi i saj është shfuqizim i shqiptarëve. Marrëveshje tjetër nuk pranojmë dhe nëse shfuqizohet MO, do të veprojmë si komb e jo si parti politike. Do të ketë amnesti për 27 prillin. Pra, ata që sulmuan kuvendin gjoja se aty zgjidhej kryetar shqiptar sipas logjikës kanë pasur të drejtë. Sot, po ta sulmojmë qeverinë ne shqiptarët, rezulton për arsyen se nuk duam ministra serb në këtë qeveri të ketë. Sipas logjikës suaj, atëherë shqiptarët do të kërkojnë që kryetari i Shkupit të jetë shqiptar? Në bazë të meritokracisë e jo sipas etnisë. Sipas logjikës suaj, emëroni një shqiptar në krye të shtatmadhorisë, në bazë të meritokracisë e jo etnisë. Pyetjet nuk janë në cilësinë e viktimës sepse, NE ASNJËHERË NUK DO TË VIKTIMIZOHEMI DHE AQ MË PAK TË GJUNJËZOHEMI! A ju që e deshët Maqedoninë në NATO, HAJDE TASH ÇELNJA GOJËN. Ju nuk e keni dëgjuar popullin.Ju e keni gënjyer se duhet NATO e BE….e sot po ju lënë ndërkombëtarët të kërcënoheni… Kur u është dhënë mundësia keni bërë koalicione edhe me VMRO edhe me LSDM dhe nuk keni arsye të vajtoni hiç…. Kjo duhet të jetë qeveria e fundit që partitë shqiptare marrin pjesë dhe zgjedhjet e ardhshme të bojkotohen! Ne nuk duhet të dalim në votime dhe të presim, haj se një parti tjetër do të vjen dhe do të përmirësohet situata. Nuk kemi kohë me prit për akrobacione të këtilla. Harroni protestat dhe pres konferencat s’ka hajër prej tyne. Veç humbje kohe. Harroni ato fjalët banale si diskriminim, majorizim, mbivotim, etj etj. Nëse nuk shkon kështu, shkojmë me variante tjera. Një apel shumë miqësor mërgimtarëve. Harxhoni paratë në Kosovë dhe Shqipëri. Testi i parë do jetë korridori 8 dhe 10 dhe rruga Tetovë -Prizren. Nëse këta projekte nuk vazhdohen, tutje s’do të ketë arsye të vazhdohet ose të mendohet për të kontribuar për këtë shtet.
Comments are closed, but trackbacks and pingbacks are open.