Selim Ibraimi- Zotni Beshliqi nuk e kishte pritur se do të hynte në qeveri dhe se koalicioni do t’i jepte aq mundësi. Tashmë ai ishte i kënaqur dhe bënte gjumë të rehatshëm, pasi shefi i tij i kishte siguruar disa vende në parlament dhe ministra në qeverinë e atëhershme.
“Gripi Spanjoll” kishte përfshirë disa qytete në Ballkanin post otoman, ndërsa Beshliqi dhe ekipi i tij nuk bënin zë, ishin fshehur dhe nuk dilnin në publik. Banorët kërkonin ndihmë, ndërsa zotni Beshliqi u thoshte se do bëhet mirë.
Nga izolimi i tepërt, Beshliqit një ditë i shkoi mendja ta hidhte një valle me tupanë dhe zurle në mes të Shkupit. Pasi ai ishte i ndikuar nga politikat e mbretit Karagjorgjeviq, “usta” Sinani me grupin e tij i cili njihej gjithandej Maqedonisë së atëhershme filloi të këndonte: “Hajde, Bešlić, igraj se i igraj se i ne zaustavljaj se jer je došao tvoj dan”! Pa pushuar dhe tejet i gëzuar zotni Beshliqi ju drejtua masës: “Dođi, kralju, dođi, treba mi pomoć za lokalne izbore“! (Skicë -4. Selim Ibraimi, ISSDMaqedonia)