APELI I VONUAR I A. AHMETIT

Koment nga Dr. Selim Ibraimi Lideri i BDI-së, Ali Ahmeti, në faqen e Facebook-ut u ka bërë thirrje mërgimtarëve që të vijnë në Kërç ovë dhe të votojnë Fatmir Deharin (BDI), tani në garë me kandidatin, bashkëqytetarin e tij maqedonas Aleksandër Jovanovski.
Lideri Ali Ahmeti u vonua në deklaratën e tij për mërgimtarët që të udhëtojnë për në Kërçovë me të gjitha rreziqet e pandemisë. Thirrja e tij është e pakuptimtë në fokusin e promovimit të politikave të bashkëjetesës së partisë së Ahmetit dhe qeverisjes njëherë me VMRO-në dhe tani me LSDM-në. Absurdi tjetër është se BDI do t’i mbështesë të gjithë kandidatët tjerë maqedonas të LSDM-së. Dhe tani Ahmeti dëshiron të “motivojë” diasporën shqiptare në Evropë dhe Amerikë se gjoja këtu flitet për ruajtjen e interesave kombëtare?! Vëzhguesit e politikës në Maqedoninë e Veriut thonë se apeli i Ahmetit ka të bëjë më shumë me inatet lokale të vetë krerëve të Zajazit dhe Kërçovës, sesa me çështjen kombëtare ku partia BDI e ka përdorur aq shumë nga viti 2002. (24.10.2021)

https://www.facebook.com/AliAhmetiOfficial

https://www.facebook.com/plugins/post.php?href=https%3A%2F%2Fwww.facebook.com%2FAliAhmetiOfficial%2Fposts%2F4418709021498931&show_text=true&width=500